Crystal Palace tók á móti Manchester United í ensku úrvalsdeildinni í gær. Leikurinn fór fram á Selhurst Park og endaði með markalausu jafntefli. Það eru vondar fréttir fyrir Manchester United sem má ekki við því að tapa stigum ætli liðið sér að veita nágrönnum sínum í Manchester City samkeppni um Englandsmeistaratitilinn.
Liðið er sem stendur í 2. sæti deildarinnar með 51 stig, fjórtán stigum á eftir Manchester City sem virðist ekki geta tapað knattspyrnuleik um þessar mundir.
David de Gea var fjarverandi í gær og eru ástæðurnar persónulega, það er óvíst hvenær hann snýr aftur. United heimsækir Manchester City á sunnudag.
„Ég veit ekki hvenær hann snýr aftur, þetta er persónulegt mál og það tekur þann tíma sem það þarf að taka,“ sagði Ole Gunnar Solskjær eftir markalausa jafnteflið í gær.
Dean Henderson stóð vaktina í marki United í gær og að lokum bjargaði hann stigi fyrir lærisveina Solskjær.
