Zlatan Ibrahimovic framherji AC Milan hefur sent pillu á Lebron James, einn besta körfuboltamann í heimi. Hann ráðleggur honum að einbeita sér að íþróttum og hætta að röfla um stjórnmál.

Lebron hefur lengi barist fyrir því sem hann telur rétt í lífinu og sett pressu á stjórnmálamenn. Zlatan segir að það séu mistök sem alltof margir gera.

„Það sem hann gerir innan vallar er magnað, en ég kann illa við það þegar fólk með ákveðna stöðu fer að blanda sér í stjórnmál,“ segir Zlatan.

Zlatan er einn þekktasti íþróttamaður seinni ára og hefur hann átt magnaðan feril. „Gerðu það sem þú ert góður í, ég spila fótbolta af því að ég er bestur í því. Ef ég væri bestur í stjórnmálum þá væri ég í því.“

„Þetta eru fyrstu mistökin sem frægt fólk gerir, það telur sig hafa einhver völd. Það er betra að sleppa þessu og gera það sem það er gott.“