Atletico Madrid og Chelsea mættust í Búkarest í Meistaradeild Evrópu í gær. Leikurinn endaði með 1-0 sigri Chelsea en það var frakkinn Olivier Giroud sem skoraði sigurmark leiksins á 71. mínútu með magnaðri bakfallsspyrnu.
Seinni leikur liðanna fer fram þann 17. mars næstkomandi. Eitt atvik er rætt eftir þennan leik en það er þegar Luis Suarez ákvað að klípa all hressilega í lærið á Antonio Rudiger.
Rudiger var brjálaður eftir þessa framkomu Suarez sem er þekktur hrotti innan vallar. Atvikið má sjá hér að neðan.
Suarez really move from biting to pinching , this man 🤦🏾♀️ pic.twitter.com/R9gnmrdaXo
— Ashara (@xd_Ashara) February 23, 2021
Suarez er þekktastur fyrir að bíta andstæðinga sína innan vallar, hann hefur í þrígang verið gómaður við að bíta andstæðinga sína. Fyrst sem leikmaður Ajax, síðan beit hann Branislav Ivanovic þegar hann var í herbúðum Liverpool. Loks beit hann svo Giorgio Chiellini á Heimsmeistaramótinu 2014.
Öll þrjú bit Suarez má sjá hér að neðan.