Mikill fjöldi íslenskra landsliðsmanna í knattspyrnu verður samningslaus næsta sumar og geta því á morgun farið að hefja samtöl við önnur félög.
Einhverjir af þessum leikmönnum munu vafalítið framlengja samninga sína við núverandi félag en ekkert er þó staðfest.
Kolbeinn Sigþórsson er án félags og algjör óvissa er um framhaldið.
Guðmundur Þórarinsson hefur nú þegar yfirgefið New York City og skoðar næstu skref. Albert Guðmundsson er orðaður við fjölda liða og er talið næsta víst að hann fari frá AZ Alkmaar.
Samningur Gylfa Þórs Sigurðssonar við Everton rennur út næsta sumar. Málefni hans utan vallar flækja málið en rannsókn lögreglu í Bretlandi er enn í gangi.
Aron Einar Gunnarsson er undir rannsókn lögreglu á Íslandi vegna kynferðisbrots en samningur hans við Al-Arabi í Katar rennur út næsta sumar.
Alfreð Finnbogason framherji Augsburg verður samningslaus en þessi öflugi framherji hefur misst mikið út vegna meiðsla síðustu ár. Sverrir Ingi Ingason er svo að verða samningslaus í Grikklandi.
Jón Daði Böðvarsson er að verða samningslaus hjá Milwall og Jón Dagur Þorsteinsson hjá AGF í Danmörku.
Þá er Andri Lucas Guðjohnsen framherji Real Madrid að verða samningslaus og gæti fengið spenandi skref á sínum ferli.
Samningslaus núna:
Guðmundur Þórarinsson
Davíð Kristján Ólafsson
Kolbeinn Sigþórsson
Samningslausir næsta sumar:
Gylfi Þór Sigurðsson – Everton
Aron Einar Gunnarsson – Al Arabi
Albert Guðmundsson – AZ Alkmaar
Andri Lucas Guðjohnsen – Real Madrid
ALfreð Finnbogason – Augsburg
Sverrir Ingi Ingason – PAOK
Daníel Leó Grétarsson – Blackpool
Jón Daði Böðvarsson – Milwall
Jón Dagur Þorsteinsson – AGF
Samningslausir undir lok næsta árs:
Arnór Ingvi Traustason – New England Revolution (Desember)
Alfons Sampsted – Bodo/Glimt (Desember)
Ari Freyr Skúlason – IFK Norrköping (Desember)