Marcel Brands, yfirmaður knattspyrnumála hjá Everton, er að fara frá félaginu ef marka má Simon Mullock, blaðamann Sunday Mirror.
Brands hefur verið harkalega gagnrýndur af stuðningsmönnum Everton síðustu misseri. Leikmannakaup undanfarin ár hafa mörg hver ekki gengið upp þrátt fyrir að háum fjárhæðum hafi verið eytt.
Þá hefur gengi Everton á leiktíðinni ekki verið gott. Liðið situr í fimmtánda sæti ensku úrvalsdeildarinnar og hefur ekki unnið í átta leikjum í röð.
Grétar Rafn Steinsson starfar sem yfirnjósnari Everton í Evrópu. Brands er því yfirmaður hans sem stendur. Grétar hefur sinnt starfinu frá árinu 2018. Hann var þar áður yfirmaður knattspyrnumála hjá Fleetwood Town.
I understand that Everton director of football Marcel Brands is leaving the club
— Simon Mullock (@MullockSMirror) December 5, 2021