Cristiano Ronaldo framherji Manchester United var ekki í hópi þriggja efstu þegar úrslit Ballon d’Or voru kynnt í gær. Lionel Messi vann verðlaunin nokkuð óvænt, var þetta í sjöunda sinn sem hann fær verðlaunin.
Ronaldo hafði í ellefu ár í röð verið á meðal þriggja efstu manna í kjörinu á Ballon d’Or. Fyrir árið 2021 endaði Ronaldo hins vegar í sjötta sæti og fékk aðeins 178 stig í þessu virta kjöri.
Ronaldo mætti ekki til Frakklands í gær en mynd af honum var birt á hátíðinni. Didier Drogba var þá mættur á svæðið og var birt gömul mynd af honum með Ronaldo.
Birt var mynd af Ronaldo og Drogba berum að ofan en Lionel Messi, Kylian Mbappe og fleiri fóru í hláturkast.
Hafa netverjar sakað France Football um að hafa þarna gert lítið úr Ronaldo en atvikið má sjá hér að neðan.
🥴🥴🥴 Atleast he was present pic.twitter.com/diOMeLLuH6
— Sister Nkechi ❤️💙 (@Nkjnr) November 29, 2021
