Javier Pereira, hefur verið rekinn sem knattspyrnustjóri spænska liðsins Levante sem er að eiga hræðilegt tímabil í spænsku úrvalsdeildinni.
Pereira náði aðeins að stýra Levante í sjö leikjum en hann var ráðinn sem knattspyrnustjóri í október síðastliðnum í stað Paco Lopez sem hafði stýrt liðinu í þrjú og hálft ár.
Undir stjórn Pereira tapaði Levante fjórum leikjum og gerði þrjú jafntefli.
Levante er á botni spænsku úrvalsdeildarinnar án sigurs og með sjö stig eftir fimmtán umferðir, fimm stigum frá öruggu sæti í deildinni.
Þjálfari varaliðs félagsins, Alessio Lisci, tekur nú við stjórnartaumunum á meðan leitað er að næsta knattspyrnustjóra liðsins.