Landsliðsmaðurinn Birkir Bjarnason skoraði tvö mörk er Adama Demispor vann 5-0 sigur á Serek Belediyespor í tyrknesku bikarkeppninni í kvöld.
Mario Balotelli kom heimamönnum í Adama yfir eftir tíu mínútna leik og Yunus Akgun bætti við öðru marki fjórum mínútum síðar. Birkir kom Adama í 3-0 á 26. mínútu og bætti við öðru marki sínu og fjórða marki heimamanna sjö mínútum síðar.
Metehan Mimarogliu kórónaði sigur Adama Demirspor fjórum mínútum fyrir lok fyrri hálfleiks, lokatölur 5-0 og liðið komið áfram í 32-liða úrslit tyrknesku bikarkeppninnar. Birki var skipt af velli á 64. mínútu.