Sergio Ramos, fyrrum fyrirliði Real Madrid, gekk til liðs við PSG á frjálsri sölu í sumar en hann spilaði loks sinn fyrsta leik fyrir liðið í gær. Lionel Messi gekk einnig til liðs við PSG í sumar vegna fjárhagsvandræða Barcelona og eru þeir því liðsfélagar þessa dagana en voru áður erkifjendur.
Gullboltinn verður afhentur í kvöld og sagði Ramos í viðtali eftir leikinn að hann vildi sjá Messi fá verðlaunin.
„Hann er einstakur leikmaður og það eru algjör forréttindi að hafa hann í liðinu. Þetta er leikmaður sem gerir alltaf gæfumuninn,“ sagði Ramos við ESPN.
Þegar Ramos var spurður að því hvort hann vildi sjá Messi vinna gullboltann hafði hann þetta að segja:
„Ég mun alltaf styðja við bakið á liðsfélögum mínum. Ég óska honum alls hins besta.“
