Rio Ferdinand skaut ansi harkalega á Jamie Carragher í dag þegar hann sagðist ekki nenna að hlusta á þegar hann talar um að vinna deildina. Eins og þekkt er vann Carragher aldrei ensku úrvalsdeildina með Liverpool en Ferdinand vann titilinn sex sinnum með Manchester United.
Carragher sagði eftir leik Manchester United og Chelsea að Ronaldo hefði verið keyptur til að vinna titla. Ferdinand hefur engan áhuga á því að hlusta á Carragher tala um titla.
„Carragher ætti ekki að tala um það að vinna titla því honum tókst það aldrei.“
„Hann hefur ekki hugmynd um hvað það þýðir eða hvernig á að gera það. Hann ætti bara að tjá sig um bikarkeppnirnar en þegar hann talar um deildina þá slekk ég á hljóðinu.“
Carragher svaraði þó fyrir sig á Twitter:
„Ég var ekki að tala um titla heldur um skipti Ronaldo til United. Ég hef aldrei unnið ensku úrvalsdeildina en þrátt fyrir það hefur Sky gaman að skoðunum mínum. Þú vannst aldrei titil fyrir annan en Alex Ferguson og þegar þú hættir að vinna deildina reyndir þú að skipta yfir til Chelsea,“ sagði Carragher á Twitter.
Not talking titles but the deal for Ronaldo to Man Utd which you arranged 👀😂 No PL for me but Sky like my opinions! No 🏆 in your career without AF & when you stopped winning PL at MU you tried to move to Chelsea so please stop giving it the big MU fan one! #olesatthewheel https://t.co/oiCJmJXd61
— Jamie Carragher (@Carra23) November 29, 2021
