Manchester United vonast til þess að koma Ralf Rangnick til félagsins gæti hjálpað félaginu við það að næla í Erling Braut Haaland frá Borussia Dortmund. Mirror segir frá.
Rangnick er að taka við sem bráðabirgðastjóri Man Utd út þetta tímabil. Hann mun svo í kjölfarið fara í ráðgjafahlutverk fjá félaginu.
Þjóðverjinn vann með Haaland er hann var hjá RB Salzburg í Austurríki. Hann fékk framherjann til félagsins þegar hann var 19 ára gamall. Man Utd vonast til að tengslin og áhrifin sem Rangnick mun koma með muni hjálpa til við að sannfæra Haaland um að koma á Old Trafford.
Norski framherjinn er einn eftirsóttasti leikmaður heims um þessar mundir. Vegna klásúlu í samningi hans getur hann farið frá Dortmund fyrir tæplega 70 milljónir punda næsta sumar. Stærstu félög Evrópu munu því berjast um þjónustu leikmannsins.
Man Utd mætir Chelsea í ensku úrvalsdeildinni klukkan 16:30 í dag. Verður þetta líklega síðasti leikur Michael Carrick sem bráðabirgðastjóri þar sem Rangnick er að taka við.
