Hákon Arnar Haraldsson og Ísak Bergmann Jóhannesson komu báðir inn á sem varamenn fyrir FC Kaupmannahöfn í 1-3 sigri gegn AaB á útivelli í dönsku úrvalsdeildinni í dag.

Öll mörkin í dag voru skoruð í fyrri hálfleik.

Hákon kom inn á þegar rúmur stundarfjórðungur lifði leiks og Ísak þegar um tíu mínútur voru eftir.

Andri Fannar Baldursson er einnig á mála hjá FCK en hann var ekki með í dag vegna meiðsla.

FCK er í öðru sæti deildarinnar með 33 stig, stigi á eftir Midtjylland sem á þó leik til góða.

Aron í sigurliði

Í dönsku B-deildinni var Aron Sigurðarson í byrjunarliði Horsens í 2-1 sigri á Hobro. Aron lék í rúmar 60 mínútur.

Horsens er í fimmta sæti deildarinnar með 30 stig.