Ben Chilwell, vinstri bakvörður Chelsea, meiddist illa í leik gegn Juventus í Meistaradeild Evrópu í gær.
Chelsea vann leikinn 4-0. Það var í stöðunni 3-0 sem Chilwell lá eftir eftir viðskipti við Adrien Rabiot, miðjumann Juventus.
Samkvæmt Telegraph er ljóst að Chilweel spilar ekki meira á þessu ári. Chelsea býður hins vegar fregna af því hvort að um meiðsli á krossböndum sé að ræða. Þá gæti hann verið frá töluvert lengur, að öllum líkindum allt tímabilið.
Thomas Tuchel, stjóri Chelsea, ræddi meiðslin eftir leik í gær.
,,Ég hef áhyggjur því hann hafði verið að gera svo vel, eins og Reece (James) hinum megin á vellinum,“ sagði Tuchel. James og Chilwell hafa átt frábæra leiktíð.
,,Þeir voru í eins góðu formi og mögulegt er, sterkir, fullir sjálfstrausts og með svo mikil gæði.“
,,Við vonum það besta, vonandi sleppur þetta, krossum fingur.“
