Mauricio Pochettino, stjóri Paris Saint-Germain, tjáði sig fyrr i dag um þá orðróma að hann sé að taka við Manchester United.
Eins og flestir vita var Ole Gunnar Solskjær rekinn frá Man Utd um helgina. Félagið leitar því að arftaka hans. Fréttir hafa verið á þann veg að Pochettino sé meira en til í að yfirgefa PSG til að taka strax við Man Utd.
,,Það eru sögur, það er ekki á minni ábyrgð. Ég hef það gott í París,“ sagði Pochettino.
,,Ég er mjög einbeittur á fótboltann. Ég skil hvað er í gangi. Það eru orðrómar en við þurfum að lifa með því.“
,,Samningur minn hér rennur út árið 2023. Það er eitt tímabil í viðbót. Ég er mjög glaður hjá PSG. Það er staðreyndin.“
,,Við erum ekki hér til að tala um þetta. Ég virði PSG. Hvað annað félag gerir kemur mér ekki við. Ég mun ekki tjá mig um þetta. Ég elska PSG og stuðningsmennina.“
Talað hefur verið um að Man Utd vilji ráða bráðabirgðastjóra þar til í loka tímabils og ráða svo framtíðarmann í sumar. Sem fyrr segir er Pochettino þó sagður til í að taka við strax.
Ummæli hans í dag gefa lítið upp um það hvort hann ætli sér til Man Utd eða ekki. Þó er ljóst að hann útilokaði það ekki.
Manchester United leikur við Villarreal í Meistaradeildinni þessa stundina. Staðan er markalaus þegar rúmar 20 mínútur eru eftir. Pochettino og hans menn í PSG mæta Manchester City í sömu keppni annað kvöld.