Manchester United er komið í 16-liða úrslit Meistaradeildar Evrópu eftir sigur á Villarreal í riðlakeppninni í kvöld.
Fyrri hálfleikur var ansi bragðdaufur. Lítið markvert gerðis í honum.
Liðin færðu sig smám saman upp á skaftið er tók að líða á seinni hálfleikinn. Eftir tæpan klukkutíma leik fékk Gomez í liði Villarreal dauðafæri en David De Gea varði skot hans frábærlega.
Jadon Sancho fékk svo dauðafæri hinum megin rúmum tíu mínútum síðar en fór illa að ráði sínu.
Það var svo á 78. mínútu sem sigurmarkið kom. Þar var að verki Cristiano Ronaldo eftir skelfileg mistök í vörn heimamanna. Fred gerði þá vel í að pressa á Etienne Capoue sem hafðu fengið slæma sendingu frá markverði sínum, Geronimo Rulli. Ronaldo fékk svo boltann og vippaði honum yfir Rulli.
Man Utd var nær því að tvöfalda forskot sitt í kjölfar marksins en Villarreal var að jafna. Annað mark þeirra kom á 90. mínútu. Það gerði Sancho. Þetta var hans fyrsta mark fyrir félagið. Lokatölur 0-2.
Rauðu djöflarnir eru komnir í 16-liða úrslit þó svo að ein umferð sé eftir. Liðið er á toppi riðilsins með 10 stig. Villarreal er áfram í öðru sæti með 7 stig. Atalanta er með 5 stig í þriðja sæti og Young Boys á botni riðilsins með 3 stig.
Atalanta og Young Boys mætast síðar í kvöld. Þau eiga eftir að spila leik meira en Man Utd og Villarreal.
Bayern Munchen vann Dynamo Kyiv á sama tíma.
Robert Lewandowski og Kingsley Coman sáu til þess að Bayern leiddi með tveimur mörkum í hálfleik.
Denis Harmash minnkaði muninn fyrir Dynamo á 70. mínútu. Lokatölur 1-2.
Bayern er með 15 stig á toppi riðilsins og er nú þegar búið að vinna hann. Barcelona er í öðru sæti með 6 stig, Benfica í þriðja sæti með 4 stig og Dynamo á botninum með 1 stig. Barcelona og Benfica mætast í kvöld.