Ole Gunnar Solskjær kom fram í viðtali á heimasíðu Man United eftir að leiðir hans og félagsins skildu í gær.
Norðmaðurinn tók við stjórnvölunum í desember 2018 en var látinn fara eftir arfaslakt gengi að undanförnu. Solskjær er goðsögn í Manchester og ljóst er að margir stuðningsmenn eru í sárum eftir brottför hans.
Aðspurður hvort hann sé stoltur af árangri sínum með félagið svaraði Solskjær játandi. „Afar, afar stoltur. Þetta er auðvitað eitthvað sem manni dreymir um í lífinu. Þegar maður hefur verið leikmaður, varaþjálfari, er næsta skrefið er að þjálfa félagið og ég hef gert það. Þetta hefur verið stuð. Ég hef notið þess frá fyrstu til síðustu mínútu, ég verð að þakka leikmönnunum því þeir eru toppstrákar, toppfólk.“
Seinna í viðtalinu var Solskjær byrjaður að berjast við tárin en það má sjá hér að neðan.
United. Always.
🔴⚪⚫#MUFC pic.twitter.com/H57iPf0KuZ
— Manchester United (@ManUtd) November 21, 2021