Gareth Southgate þjálfari Englands hefur skrifað undir nýjan samning við enska knattspyrnusambandið. Verður hann þjálfari liðsins fram yfir Evrópumótið 2024.
Southgate fær væna launahækkun en ensk blöð segja frá því að hann muni nú þéna 886 milljónir íslenskra króna í árslaun.
Áður var Southgate með um 500 milljónir í árslaun og því hafa laun hans hækkað verulega.
Southgate fór með enska liðið í úrslit Evrópumótsins í sumar en liðið tapaði þar gegn Ítalíu í vítaspyrnukeppni.
Southgate er 51 árs gamall en hann fær væna summu í bónusa ef góður árangur næst innan vallar.