Sex leikjum var að ljúka í ensku úrvalsdeildinni rétt í þessu.
Manchester United tapaði illa á útivelli gegn Watford. Leikmenn Manchester United voru afar ósannfærandi í leiknum á meðan Watford leit nokkuð vel út. Watford fékk vítaspyrnu strax á 8. mínútu sem Ismaila Sarr skoraði úr en hann var látinn endurtaka spyrnuna og þá varði de Gea. Joshua King braut ísinn á 28. mínútu og Ismaila Sarr tvöfaldaði forystuna undir lok fyrri hálfleiks. Solskjaer gerði skiptingu í hálfleik þar sem Donny van de Beek kom inn fyrir Scott McTominay. Van de Beek var ekki lengi að setja mark sitt á leikinn en hann minnkaði muninn á 50. mínútu. Harry Maguire fékk sitt annað gula spjald og þar með rautt á 69. mínútu eftir að hann missti boltann illa. Joao Pedro skoraði þriðja mark Watford í uppbótartíma og Emmanuel Dennis það fjórða stuttu síðar og afar vont tap Manchester United staðreynd.
Steven Gerrard stýrði Aston Villa í fyrsta skipti í dag er liðið sigraði Brighton 2-0. Lengi leit út fyrir að leikurinn myndi enda með 0-0 jafntefli en Ollie Watkins og Tyrone Mings skoruðu fyrir Aston Villa undir lok leiks. West Ham hefur byrjað tímabilið frábærlega en liðið tapaði í dag með einu marki gegn nokkuð sprækum leikmönnum Wolves. Þá sigraði Norwich Southampton 2-1 í fyrsta leik undir stjórn Dean Smith.
Burnley gerði 3-3 jafntefli við Crystal Palace í skemmtilegum leik. Jói Berg var í byrjunarliði Burnley í dag þar sem hann spilaði sinn 150. leik fyrir félagið. Ben Mee, Chris Wood og Maxwel Cornet skoruðu mörk Burnley í dag. Þá gerðu Newcastle og Brentford einnig 3-3 jafntefli.
Aston Villa 2 – 0 Brighton
1-0 Ollie Watkins (´89)
2-0 Tyrone Mings (´84)
Burnley 3 – 3 Crystal Palace
0-1 Christian Benteke (´8)
1-1 Ben Mee (´19)
2-1 Chris Wood (´27)
2-2 Christian Benteke (´36)
2-3 Marc Guehi (´42)
3-3 Maxwel Cornet (´49)
Newcastle 3 – 3 Brentford
1-0 Jamaal Lascelles (´10)
1-1 Ivan Toney (´11)
1-2 Rico Henry (´31)
2-2 Joelinton (2-2)
2-3 Frank Onyeka (´61)
3-3 Allan Saint-Maximin (´75)
Norwich 2 – 1 Southampton
0-1 Che Adams (´4)
1-1 Teemu Pukki (´7)
2-1 Grant Hanley (´79)
Watford 4 – 1 Manchester United
1-0 Joshua King (´28)
2-0 Ismaila Sarr (´44)
2-1 Donny van de Beek (´50)
3-1 Joao Pedro (90+2)
4-1 Emmanuel Dennsi (90+6)
Wolves 1 – 0 West Ham
1-0 Raul Jiménez (´58)