Liverpool tók á móti Arsenal á Anfield í ensku úrvalsdeildinni. Liverpool vann öruggan 4-0 sigur í leiknum.
Arsenal hafði ekki tapað í síðustu 10 leikjum fyrir leikinn í dag. Liverpool var þó með öll völd á vellinum í dag. Sadio Mané kom Liverpool yfir á 39. mínútu með skalla eftir aukaspyrnu frá Trent-Alexander Arnold. Þannig var staðan þegar flautað var til hálfleiks.
Leikmenn Liverpool voru enn grimmari í seinni hálfleik en Diogo Jota tvöfaldaði forystuna strax á 52. mínútu með frábæru marki. Mohamed Salah skoraði þriðja markið eftir undirbúning Mané. Takumi Minamino rak smiðshöggið á stórsigur Liverpool með fjórða markinu en það var hans fyrsta snerting í leiknum.
Liverpool fer upp í 2. sæti deildarinnar en Arsenal er í 5. sæti.
Liverpool 4- 0 Arsenal
1-0 Sadio Mané (´39)
2-0 Diogo Jota (´52)
3-0 Mohamed Salah (´73)
4-0 Takumi Minamino (´77)