Eddie Howe, nýráðinn knattspyrnustjóri Newcastle, mun ekki vera á hliðarlínunni er liðið mætir Brentford í ensku úrvalsdeildinni á morgun. Hann hefur greinst með kórónuveiruna.
Howe tók við Newcastle nýlega í kjölfar brottreksturs Steve Bruce.
Liðið hefur átt erfitt uppdráttar á leiktíðinni og er í næstneðsta sæti deildarinnar. Auk þess hefur Newcastle ekki unnið leik.
Opinber fjárfestingasjóður Sádí-Arabíu festi þó kaup á félaginu fyrir nokkrum vikum. Það má því búast við breyttum tímum hjá Newcastle eftir að peningum verður dælt í leikmannakaup.
#NUFC head coach Eddie Howe will be absent from the club’s next Premier League match after testing positive for Covid-19 during a routine test on Friday.
— Newcastle United FC (@NUFC) November 19, 2021
