Samkvæmt Calciomercato vill Cristiano Ronaldo, leikmaður Manchester United, sjá félag sitt kaupa Federico Chiesa, leikmann Juventus næsta sumar.
Ronaldo og hinn 23 ára gamli Chiesa léku saman hjá Juve á síðustu leiktíð. Sá síðarnefndi er þar á lánssamningi sem stendur frá Fiorentina.
Lánssamningurinn rennur út næsta sumar. Þó þykir næsta víst að leikmaðurinn gangi endanlega í raðir Juventus þá.
Þrátt fyrir það vill Ronaldo sjá Man Utd kaupa leikmanninn. Portúgalinn er mikill aðdáandi leikmannsins.
Chiesa hefur komið að 27 mörkum í 50 leikjum frá komu sinni til Juventus.
Ítalinn varð einnig Evrópumeistari með landsliði sínu í sumar.