Sparkspekingurinn og fyrrum knattspyrnumaðurinn Jamie Carragher segir komu Cristiano Ronaldo til Manchester United aðeins hafa stækkað eitt vandamál liðsins.
Hinn 36 ára gamli Ronaldo sneri aftur til Man Utd undir lok félagaskiptagluggans í ágúst. Sjálfur hefur Portúgalinn farið vel af stað, skorað fimm mörk í sex leikjum.
Liðinu hefur hins vegar gengið illa í síðustu tveimur leikjum í ensku úrvalsdeildinni. Það gerði jafntefli við Everton um síðustu helgi. Í umferðinni þar áður tapaði Man Utd á heimavelli gegn Aston Villa.
,,Þetta er áfram hópur af einstaklingum frekar en lið. Cristiano Ronaldo hefur aðeins stækkað það vandamál frekar en að laga það,“ skrifaði Carragher í Telegraph.