Mohamed Salah gerir kröfu á ríflega launahækkun ef hann á að skrifa undir nýjan samning við Liverpool. Frá þessu greinir enska blaðið Independent.
Samningur Salah við Liverpool rennur út árið 2023 og er staða hans því sterk. Liverpool þarf að ná samkomulagi við Salah fyrir næsta sumar.
Salah gæti farið nokkuð ódýrt næsta sumar ef ekki tekst að semja við hann enda verður aðeins ár eftir af samningi hans.
Independent segir að Salah vilji fá 380 þúsund pund í laun á viku. Salah hefur skorað 134 mörk og lagt upp 50 í 212 leikjum fyrir Liverpool.
Salah kom til Liverpool frá Roma árið 2017 en hann fagnaði 29 ára afmæli sínu í sumar. Samkvæmt frétt Independent hafa forráðamenn Liverpool ekki tekið ákvörðun um hvort ganga skuli að kröfum Salah.
