Íslenska landsliðið kemur saman í dag og undirbýr sig undir komandi verkefni í undankeppni HM. Íslenska liðið er með fjögur stig eftir fimm leiki.

LIðið á heimaleiki gegn Armeníu og Liechtenstein þar sem liðið á góða möguleika á að ná í sex stig.

Ljóst er að verkefnið er ærið fyrir Arnar Þór Viðarsson þjálfara liðsins. Níu leikmenn sem byrjuðu gegn Rúmeníu í nóvember á síðasta ári eru ekki í hópnum að auki er Kolbeinn Sigþórsson fjarverandi en hann var á meðal varamanna í leiknum um laust sæti á EM. Ísland mætir Armeníu í undankeppni HM á föstudag og Liechtenstein eftir slétta viku.

Líklegt verður að teljast að Birkir Bjarnason og Birkir Már Sævarsson spili báðir stórt hlutverk en báðir hafa spilað 101 leiki fyrir Ísland.

Elías Rafn Ólafsson hefur slegið í gegn í Danmörku og gæti fengið tækifæri í markinu, Hannes Þór Halldórsson hefur lagt hanskana á hilluna með landsliðinu.

Andri Lucas Guðjohsen framherji Real Madrid skoraði sitt fyrsta landsliðsmark í síðasta mánuði og er líklegur til þess að byrja.

Líklegt byrjunarlið Íslands í leiknum á föstudag gegn Armeníu er hér að neðan.

Líklegt byrjunarlið Íslands:
Elías Rafn Ólafsson – FC Midtjylland

Birkir Már Sævarsson – Valur – 101 leikur, 3 mörk
Brynjar Ingi Bjarnason – US Lecce – 6 leikir, 2 mörk
Hjörtur Hermannsson – Pisa – 23 leikir, 1 mark
Guðmundur Þórarinsson – New York City FC – 9 leikir

Mikael Neville Anderson – AGF – 10 leikir, 1 mark
Birkir Bjarnason – Adana Demirspor – 101 leikur, 14 mörk
Guðlaugur Victor Pálsson – FC Schalke 04 – 28 leikir, 1 mark
Ísak Bergmann Jóhannesson – FC Köbenhavn – 7 leikir

Albert Guðmundsson – AZ Alkmaar – 25 leikir, 4 mörk

Andri Lucas Guðjohnsen – Real Madrid Castilla – 3 leikir, 1 mark