Kristján Óli Sigurðsson kafaði djúpt ofan í málefni KSÍ í nýjasta hlaðvarpsþættinum Þungavigitin. Kristján fór þar yfir málefni Arons Einars Gunnarsson og meinta aðkomu Vöndu Sigurgeirsdóttir að málinu.
Vanda fær starfið til bráðabirgða en getur sóst eftir endurkjöri í febrúar þegar ársþing fer fram. Arnar Þór Viðarsson hafði ætlað sér að velja Aron Einar Gunnarsson í landsliðshópinn allt þar til að hann fundaði með Vöndu í síðustu viku samkvæmt Þungavigtinni.
Um þetta var rætt í Þungavigtinni en Arnar Þór Viðarsson tók valið á sig á blaðamannafundi í síðustu viku. Kristján Óli kafaði í það mál. „Búið er að fjalla ítarlega um lygar Arnars Þórs (Viðarssonar, landsliðsþjálfara) á blaðamannafundinum í Laugardal. Það sem gerir lygarnar enn verri er að þrír almannatenglar á vegum Aton JL voru um morguninn að æfa landsliðsþjálfarann í að ljúga að þjóðinni, þar var framsagan æfð sem og svör við spurningum blaðamanna,“ sagði Kristján Óli Sigurðsson í þættinum.
Kristján Óli segir að almannatenglafyrirtækinu KOM hafi verið sagt upp eftir mistök í síðasta verkefni liðsins þar sem stjórnin og Guðni Bergsson sagði af sér. „Nýir almannatenglar voru ráðnir eftir að almannatenglafyrirtækinu KOM var sagt upp eftir vesenið í síðasta landsliðsverkefni. Allt sem Arnar sagði um Aron var ekki sannleikanum samkvæmt. Arnari leið það illa að hann stamaði í hvert skipti sem hann var spurður um mál Arons (Einars Gunnarssonar, landsliðsfyrirliða). Æfingin með almannatenglunum skilaði ekki árangri.“
„Á þriðjudag tilkynnti landsliðsþjálfarinn Aroni að hann yrði í hóp. Hann upplýsti fyrirliðann um gamla stjórnin myndi ekkert aðhafast vegna málsins um hann en hann vissi ekki hvað sú nýja myndi gera, það breyttist svo.“
Kristján ítrekar að Vanda hafi sett Arnari stólinn fyrir dyrnar en þessu hefur Vanda hafnað. Kristján fullyrðir að Vanda hafi verið með ýmsar hótanir þegar kom að málinu. „Vanda Sigureirsdóttir frétti af valinu og fjandinn var laus. Hún hótaði að mæta ekki í landsleikina ef Aron væri í hópnum. Síðan hótað hún því að fyrsta verkefni nýrrar stjórnar yrðu reglur sem myndu útiloka Aron frá því að vera valinn vegna þessa atviks frá 2010. Þessar reglur áttu að taka gildi strax um helgina. Öllum þessum skilaboðum var komið á framfæri við Arnar og pressan var mikil.“
Mikael Nikulásson tók svo til máls og sagði „Lokapunkturinn er það sem okkur var búið að gruna, að það hafi einhver sett Arnari Þór Viðarssyni stólinn fyrir dyrnar með Aron Einar. Það er ekki ákvörðun hjá neinum þjálfara að velja ekki landsliðsfyrirliðann og einn besta miðjumann í hóp,“ sagði Mikael.
„Þetta er mjög furðulegt og ég eiginlega átta mig ekki á þessu. Ég hef hag fótboltans að leiðarljósi, það er númer 1, 2 og 3. Hvað verður um fótboltann? Það var ekki einu orði minnst á fótbolta í þessari ræðu nýs formanns KSÍ. Þetta er Knattspyrnusamband sko, þetta er ekki menntaskóli,“ svaraði Kristján Ól.
Aron Einar er nú rannsakaður af lögreglu ásamt öðrum knattspyrnumanni en um er að ræða mál frá árinu 2010. Íslenska kona sakar mennina um að hafa nauðgað sér á hóteli í Kaupmannahöfn. Ekki var vitað af rannsókn lögreglu þegar KSÍ valdi hópinn á fimmtudag.
