Josh Cavallo kom út úr skápnum í dag. Í stóra samhenginu er það ekki merkilega í nútíma samfélagi en það sem gerir sögu Cavallo merkilega er að hann er atvinnumaður í knattspyrnu.

Er hann fyrsti atvinnumaðurinn í fótbolta sem kemur út úr skápnum á meðan ferill hans er í gangi.

„Ég hef lifað tvöföldu lífi og falið hver ég er í raun og veru,“ sagði Cavallo í myndbandi sem Adelaide United félag hans í Ástralíu deildi.

„Ég er knattspyrnumaður og ég er samkynhneigður. Þetta hefur verið ferðalag að komast á þann stað að ræða þetta, ég gæti ekki verið ánægðari með þessa ákvörðun.“

„Ég hef barist við kynhneigð mína í sex ár og ég er glaður að geta komið út með hlutina.“

Í mörg ár hefur verið rætt um þá staðreynd að hingað til hafi aldrei samkynhneigður atvinnumaður í knattspyrnu stigið fram. Skref Cavallo að gera slíkt gæti opnað dyrnar fyrir þá sem hafa hingað til verið í skápnum.

Josh's Truth pic.twitter.com/NKSEP2kVWV

— Adelaide United (@AdelaideUnited) October 27, 2021