Ander Herrera miðjumaður PSG var að keyra um París í gærkvöldi þegar vændiskona kom að bifreið hans og rændi hann. Franskir fjölmiðlar segja frá.

Þessi 32 ára gamli leikmaður beið á rauðu ljósi við Bois de Boulogne almenningsgarðinn í borginni þegar atvikið átti sér stað.

Vændiskona opnaði þá bifreiðina og tók veskið og síma Herrera sem voru í farþegasætinu á bifreiðinni.

Að lokum tókst að fá símann hans Herrera á nýjan leik en búið var að tæma veskið af þeim fjármunum sem þar voru. Var um að ræða 200 evrur.

Lögreglan hefur tekið málið á sitt borð eftir að Herrera fór með málið á borð þeirra. Herrera var áður í herbúðum Manchester United.