Bologna tók á móti AC Milan í ítölsku deildinni í kvöld. Milan hélt áfram góðu gengi í deildinni í leiknum og sigraði með fjórum mörkum gegn tveimur.
AC Milan var með öll völd á vellinum í fyrri hálfleik en Rafael Leao kom gestunum yfir á 16. mínútu leiksins. Stuttu síðar fékk Soumaoro, leikmaður Bologna, að líta beint rautt spjald og þá varð verkefnið enn erfiðara fyrir heimamenn. Calabria tvöfaldaði forystuna á 35. mínútu og þannig stóðu leikar í hálfleik.
Leikmenn Bologna tóku við sér í seinni hálfleik. Zlatan varð fyrir því óláni á 49. mínútu að skora sjálfsmark og Musa Barrow jafnaði metin þremur mínútum síðar. Roberto Soriano fékk svo beint rautt spjald stuttu síðar og þá var bara tímaspursmál hvenær gestirnir myndu ná forystunni á nýjan leik gegn níu leikmönnum Bologna. Það gerði Ismael Bennace á 84. mínútu og Zlatan skoraði svo fjórða markið á lokamínútu leiksins og tryggði Milan þar með stigi þrjú.
AC Milan er á toppi deildarinnar með 25 stig. Bologna er í 10. sæti með 12 stig.
Bologna 2 – 4 AC Milan
0-1 Rafael Leao (´16)
0-2 D. Calabria (´35)
1-2 Zlatan Ibrahimovich, sjálfsmark (´49)
2-2 Musa Barrow (´52)
2-3 Ismael Bennace (´84)
2-4 Zlatan Ibrahimovich (´90)
A. Soumaoro, rautt spjald
Roberto Soriano, rautt spjald