Síðustu dagar hjá parinu Mauro Icardi og Wanda Nara hafa verið hálfger rússibani. Wanda sakaði Icardi um að halda framhjá sér um síðustu helgi og hefur látið í sér heyra á samfélagsmiðlum síðan þá.

Þau hafa nú tekið saman aftur en Icardi er sagður hafa sett fjögur skilyrði fyrir því að hann myndi spila aftur fyrir PSG eftir þetta mál en Wanda er umboðsmaður kappans.

Samkvæmt frétt AS á spáni þarf Wanda að setja inn mynd á samfélagsmiðla af fjölskyldunni og þegar því er lokið á hún að eyða samfélagsmiðlum sínum og má ekki taka nein auka verkefni fyrir utan umboðsmannaskyldur hennar. Þá má hún ekki ferðast neitt í einkaflugvél Icardi án hans.

Þetta er ekki í fyrsta skiptið sem gustar um parið en Wanda var áður gift Maxi Lopez en hún hélt fram hjá honum með Icardi. Maxi Lopez og Lionel Messi eru góðir vinir og er þetta talin ástæða þess að Icardi hefur aðeins spilað 8 leiki fyrir Argentínu.