Brighton tók á móti Manchester City í lokaleik dagsins í ensku úrvalsdeildinni. Leiknum lauk með 4-1 sigri Englandsmeistaranna.
Gundogan kom gestunum yfir snemma leiks eftir mistök í vörn Brighton. Phil Foden tvöfaldaði forystuna á 28. mínútu eftir frábæra skyndisókn. Foden var aftur á ferðinni þremur mínútum síðar er hann bætti við þriðja markinu. Manchester City var nokkuð verðskuldað þremur mörkum yfir þegar flautað var til hálfleiks.
Seinni hálfleikurinn var aðeins rólegri en sá fyrri en gestirnir stjórnuðu spilinu. Á 81. fengu heimamenn vítaspyrnu sem Mac Allister skoraði úr. Riyad Mahrez innsiglaði loks sigur Manchester City í uppbótartíma. Ekki voru fleiri mörk skoruð og 1-4 sigur Manchester City staðreynd en liðið kom sér upp í 2. sæti deildarinnar með sigrinum.
Brighton 1 – 4 Manchester City
0-1 Ilkay Gundogan (´13)
0-2 Phil Foden (´28)
0-3 Phil Foden (´31)
1-3 Alexis Mac Allister (´81)
1-4 Riyad Mahrez (´90+5)