Mohamed Salah vill enda ferilinn hjá Liverpool en segir að ákvörðunin sé ekki í sínum höndum.
Salah hefur byrjað tímabilið af krafti fyrir Liverpool en hann á aðeins 20 mánuði eftir af samningnum sínum við félagið. Liverpool eyddi sumrinu í að semja við lykilleikmenn liðsins en ekki hefur tekist að semja við Salah.
Salah gekk til liðs við Liverpool frá Roma í júní 2017 og er goðsögn hjá félaginu og hjálpaði klúbbnum að vinna Meistaradeildina og Ensku úrvalsdeildina. Ljóst er að Liverpool þarf að gera Salah að launahæsta leikmanninum í sögu félagins ef hann á að skrifa undir nýjan samning.
„Ef þú spyrð mig þá myndi ég vilja klára ferilinn hér hjá Liverpool en þetta er ekki í mínum höndum. Það ræðst á því hvað félagið vill gera.“
„Ég sé mig ekki spila á móti Liverpool. Það myndi gera mig afar leiðan. Þetta er erfitt en við bíðum og sjáum hvað gerist,“ sagði Salah við Sky.