Samkvæmt fjölmiðlum á Ítalíu vill Everton fá Alexis Sanchez til félagsins frá Inter.
Hinn 32 ára gamli Sanchez hefur ekki heillað á tveimur árum í Serie A.
Hann var frábær fyrir Arsenal á árunum 2014 til 2018, skoraði 60 mörk í 122 leikjum.
Sílemaðurinn fór þaðan til Manchester United en náði sér aldrei á strik þar. Hann var lánaður til Inter árið 2019 og síðan keyptur þangað endanlega.
Nú gæti hann hins vegar fengið annað tækifæri í ensku úrvalsdeildinni eftir þennan óvænta orðróm um að Everton vilji fá hann.
Everton er sem stendur í áttunda sæti ensku úrvalsdeildarinnar með 14 stig eftir átta leiki.