Manchester United vann í gær fræknan endurkomusigur á ítalska liðinu Atalanta í Meistaradeild Evrópu í gær. Það leit ekki út fyrir að United myndi fara með þrjú stig úr leiknum er dómarinn flautaði til hálfleiks. United var 2-0 undir en þrjú mörk í seinni hálfleik tryggðu þeim sigur.
Það var Portúgalinn Cristiano Ronaldo sem rak smiðshöggið í endurkomu Manchester United með því að skora sigurmarkið á 81. mínútu eftir stoðsendingu frá Luke Shaw.
Úrslitin höfðu ekki fallið með Manchester United í leikjunum fyrir sigur gærkvöldsins og ljóst var að hann var þýðingarmill fyrir liðið.
,,JÁ! Leikhús draumanna, við erum á lífi! Við erum Manchester United og við gefumst aldrei upp. Þetta er Old Trafford!“ skrifaði Ronaldo á samfélagsmiðla eftir leik gærkvöldsins og það undirstrikar mikilvægi sigursins.
Manchester United er á toppi síns riðils í Meistaradeild Evrópu þegar þrjár umferðir hafa verið leiknar. Liðið er með 6 stig, tveimur stigum meira en Villarreal sem er í 2. sæti.
Næsti leikur Manchester United er á sunnudaginn er liðið mætir erkifjendum sínum frá Liverpool.
Yes! The Theater Of Dreams is on fire! We are alive! We are Man. United and we never give up! This is Old Trafford! 🔴⚪️⚫️ 💪🏽 pic.twitter.com/3rsmOBpS8H
— Cristiano Ronaldo (@Cristiano) October 20, 2021