Jack Wilshere, fyrrverandi leikmaður Arsenal og enska landsliðsins, sagði í viðtali við TalkSport að hann hefði getað gengið til liðs við Derby í ensku b-deildinni í sumar.
Wilshere hefur verið án félags síðan Bournemouth rifti samningi hans í lok sumars eftir 6 mánuði hjá félaginu.
„Ég talaði við Wazza (Rooney) í sumar þegar að Derby var í leikmannakaupbanni… Ég íhugaði það en þetta var ekki fyrir mig.“
Aðspurður hvort hann myndi íhuga að spila aftur í ensku b-deildinni sagði Wilshere að það færi allt eftir hvað gerist í janúar.
„Það fer eftir hvað gerist í janúar. Ég spilaði áður í Championship deildinni. Það er erfið deild. Ég held hún henti mér ekki alveg.“