Lengjudeildarlið Vestra heldur áfram að semja við lykilleikmenn sína. Í síðustu viku náði liðið að endursemja við Danann Nicolaj Madsen og Spánverjann Nacho Gil og í gær tilkynnti félagið að framherjarnir Pétur Bjarnason og Vladimir Tufegdzic hefur báðir framlengt saminga sína.

Pétur á að baki 154 leiki með Vestra og BÍ/Bolungarvík og í þeim leikjum hefur hann skorað 59 mörk. Hann er uppalinn fyrir vestan og reyndist Vestramönnum drjúgur á síðustu leiktíð er hann skoraði 14 mörk í 27 leikjum.

Vladimir Tufegdzic, mun leika sitt þriðja tímabil fyrir Vestra á næsta ári. Hann kom til liðsins frá Grindavík árið 2019. Áður hafði hann spilað með KA og Víkingi Reykjavík. Hann á að baki 110 meistaraflokksleiki á sínum ferli hér á landi og í þeim leikjum hefur hann skorað 28 mörk.

Jón Þór Hauksson verður þjálfari Vestra á næsta tímabili og ljóst að liðið ætlar sér stóra hluti í Lengjudeildinni.