Allan Saint-Maximin, leikmaður Newcastle, birti fallega kveðju á samfélagsmiðlum í dag eftir að fréttir bárust að Steve Bruce hefði yfirgefið félagið.
Bruce tók við stjórastarfinu hjá Newcastle í júlí 2019 og liðið endaði í 12. og 13. sæti á tveimur fyrstu tímabilunum undir hans stjórn.
Englendingnum tókst þó ekki að stýra liðinu til sigurs í deildinni í ár en Newcastle er með þrjú stig í 19. sæti þegar átta umferðum er lokið.
Allan Saint-Maximin, sem er af mörgum talinn einn besti leikmaður Newcastle, kom til félagsins stuttu eftir ráðningu Bruce og var augljóslega hrærður yfir brottför hans í dag.
„Þú ert án efa ein ljúfasta manneskja sem ég hef kynnst í boltanum. Þú ert maður orða þinna, umhyggjusamur maður og sanngjarn og hikaðir aldrei við að koma okkur til varnar. Ég mun aldrei gleyma því hvernig þú komst fram við mig og fyrir það verð ég þér að eilífu þakklátur,“ stóð í færslunni en hana má sjá hér að neðan.
You are, without a doubt, one of the most gentle people that I have ever met in the world of football. You have been a man of your word, a caring man and a fair man who never hesitated to protect us. I will never forget how you treated me, for that I will be forever grateful pic.twitter.com/lJgSL5GD4Q
— Allan Saint-Maximin (@asaintmaximin) October 20, 2021