Liðsandinn innan leikmannahóps Manchester United hefur náð nýjum lægðum í kjölfar slæmar úrslita fyrir liðið undanfarið. Þetta herma heimildir The Times sem segja að leikmenn séu áhyggjufullir um stöðu mála.
Pressan eykst á knattspyrnustjóra liðsins, Ole Gunnar Solskjær því þrátt fyrir að miklum fjárhæðum hafi verið eytt í leikmannakaup fyrir tímabilið, þá hafa úrslitin verið undir pari.
Solskjær hélt leikmönnum sínum inni í 45 mínútur í búningsklefanum á King Power vellinum um síðustu helgi eftir 4-2 tap gegn Leicester City. Manchester United situr í 6. sæti eftir leiki helgarinnar með fjórtán stig eftir átta leiki. Fimm stigum frá toppliði Chelsea.