Jose Mourinho er einn af mörgum þjálfurum sem hefur verið orðaður við stjórastöðuna hjá Newcastle eftir að sádi-arabíski fjárfestingasjóðurinn PIF festi kaup á félaginu.

Mourinho viðurkennir í viðtali að hann sé bundinn ákveðnum tilfininngaböndum við félagið í gegnum samband sitt við Sir Bobby Robson en neitar að tjá sig frekar um málið.

Búist var við að Steve Bruce, núverandi stjóri liðsins, yrði rekinn fyrir leik liðsins gegn Tottenham á sunnudag. Hinn sextugi Bruce er enn við stjórnvölinn þrátt fyrir 3-2 tap liðsins á heimavelli en framtíð hans hjá félaginu er enn í lausu lofti.

„Ég hef ekkert að segja um Newcastle. Nákvæmlega ekki neitt,“ sagði Mourinho í viðtali fyrir leik Roma og Juventus í gær.

„Það eina sem ég get sagt er að ég vann fyrir einn mikilvægasta mann í sögu Newcastle, Sir Bobby Robson, í mörg, mörg ár og hef þess vegna ákveðna tengingu við borgina og stuðningsmennina. En það er allt og sumt.“ Mourinho lagði einnig áherslu á það að hann væri ánægður með að vinna undir Friedkin Félaginu – eigendum Roma. „Ég er hér, og er mjög ánægður að vera hér. Ég er 100% helgaður Roma verkefninu, Friedkin verkefninu.“

Mourinho vann fyrir Robson þegar enski þjálfarinn var við stjórnvölinn hjá Sporting Lisbon, Porto og Barcelona, fyrst sem túlkur áður en hann ráðinn sem þjálfari

Robson var við stjórnvölinn hjá Newcastle á árunum 1999-2004 og er í hálfgerðri guðatölu meðal stuðningsmanna félagsins en stytta af manninum stendur fyrir framan heimavöll liðsins, St. James’ Park.