Guðlaugur Victor Pálsson, leikmaður Schalke og Íslenska karlalandsliðsins er í liði vikunnar í þýsku 1. deildinni hjá þýska miðlinum kicker. Schalke vann 1-0 sigur á Hannover á föstudaginn. Guðlaugur Victor var í byrjunarliði Schalke í leiknum, spilaði allan leikinn og átti stoðsendinguna í sigurmarki liðsins sem kom í uppbótartíma.

Guðlaugur bar fyrirliðabandið í leiknum en hann var mikið í umræðunni í síðustu viku eftir að hann dró sig úr landsliðshópi Íslands fyrir leik liðsins gegn Liechtenstein fyrir viku síðan.

Victor Palsson in the team of the week 🇮🇸⭐️👌 https://t.co/CPGuowyGzb pic.twitter.com/6dfQFbayF8

— Magnus Agnar Magnusson (@totalfl) October 18, 2021