Barcelona hefur ekki efni á að fá Paul Pogba til félagsins næsta sumar þó svo að leikmaðurinn verði fáanlegur á frjálsri sölu. Þetta segir spænski miðillinn AS.
Samningur hins 28 ára gamla Pogba við Manchester United rennur út næsta sumar. Þá getur hann gengið frítt til liðs við hvaða félags sem er. Barcelona er eitt af þeim félögum sem hefur verið nefnt til sögunnar í því samhengi.
Gríðarleg fjárhagsvandræði Börsunga, sem ollu til að mynda því að ekki var hægt að endursemja við Lionel Messi síðasta sumar, gera það hins vegar að verkum að félagið hefur ekki efni á að borga laun Pogba.
Frakkinn er talinn vilja um 14 milljónir punda í laun á ári hverju.
Pogba hefur einnig verið orðaður við Real Madrid, Paris Saint-Germain og sitt fyrrum félag, Juventus. Ekki er þó útilokað að hann skuldbindi sig við Man Utd.
