Breiðablik sótti stórlið Real Madrid heim í 2. umferð riðlakeppni Meistaradeildar kvenna í kvöld.
Blikar töpuðu fyrsta leik riðlakeppninnar 2-0 gegn PSG í Kópavoginum á meðan að Real Madrid vann nauman sigur á úkraínska liðinu Kharkiv.
Madrid komst í forystu strax á 6. mínútu þegar að Caroline Moller afgreiddi boltann frábærlega í netið eftir sendingu frá Kenti Salas.
Moller bætti við öðru marki á 20. mínútu og fullkomnaði þrennuna þegar að tvær mínútur voru eftir af fyrri hálfleik og staðan 3-0 fyrir heimakonur þegar gengið var til búningsklefa.
Madrídingar héldu áfram að ráða lögum og lofum á vellinum í seinni hálfleik og varamaðurinn Olga Carmona bætti við fjórða markinu stuttu eftir leikhlé. Lorrena Navarro skoraði fimmta mark heimakvenna á síðustu mínútu venjulegs leiktíma og lokatölur 5-0.
Næstu tveir leikir Breiðablik í riðlakeppninni eru gegn Kharkiv í næsta mánuði.
Chelsea vann þá 2-1 útisigur á Chelsea í leik liðanna í A-riðli.
Erin Cuthbert kom Chelsea í forystu eftir rúman hálfíma leik en Barbara Bonansea jafnaði metin sex mínútum síðar. Pernille Mosegaard-Harder skoraði sigurmark Chelsea á 69. mínútu sem er í 2. sæti í riðlinum með 4 stig. Juventus er í 3. sæti með 3 stig.