Oktobér landsleikjahléi íslenska karlalandsliðsins lauk í gær með 4-0 sigri á Liechtenstein. Áður hafði liðið gert 1-1 jafntefli við Armena. Það merkilega við öll þau mörk sem Ísland skoraði í landsleikjahléinu er sú staðreynd að þau voru öll skoruð að sonum fyrrverandi landsliðsmanna- og landsliðskvenna.

Ísak Bergmann Jóhannesson, skoraði eina mark Íslands í 1-1 jafnteflinu við Armeníu í síðustu viku. Ísak Bergmann er sonur Jóhannesar Karls Guðjónssonar, fyrrum landsliðs- og atvinnumanns í knattspyrnu og Jófríðar Maríu Guðlaugsdóttur sem á að baki leiki í efstu deild með ÍA.

Í gær fór síðan fram leikur Íslands og Liechtenstein sem endaði með 4-0 sigri Íslands.

Albert Guðmundsson skoraði tvö af mörkum Íslands í leiknum. Albert er sonur Guðmundar Benediktssonar og Kristbjargar Ingadóttur sem eiga bæði að baki A-landsleiki fyrir Íslands hönd. Guðmundur lék á sínum tíma við góðan orðstír, hann á að baki 269 leiki hér heima í meistaraflokki og 10 A-landsleiki. Kristbjörg á að baki fjóra A-landsleiki.

Andri Lucas Guðjohnsen skoraði eitt marka Íslands í gær eftir stoðsendingu frá bróður sínum, Sveini Aroni Guðjohnsen. Þeir eru synir Eiðs Smára Guðjohnsen og Ragnhildar Sveinsdóttir. Eiður Smári er af mörgum talinn besti leikmaður sem Ísland hefur alið af sér, hann spilaði með liðum á borð við Chelsea og Barcelona og á að baki 88 landsleiki.

Stefán Teitur Þórðarson byrjaði sinn fyrsta A-landsleik í gær og skoraði sitt fyrsta landsliðsmark. Faðir Stefáns Teits er Skagamaðurinn Þórður Þórðarson sem á að baki 181 leik í meistaraflokki hérlendis og 1 A-landsleik og móðir hans er Íris Björg Þorvarðardóttir sem á að baki 13 leiki með ÍA í efstu deild.