Mike Ashley hélt upp á 300 milljóna punda söluna á Newcastle United með því að kíkja á barinn með vinum sínum og drekka bjór í fimm tíma.
Ashley seldi félagið til opinbers fjárfestingasjóðs Sádí Arabíu. Má búast við miklum breytingum á næstunni hjá Newcastle. Talið er að nýjir eigendur munu styrkja leikmannahópinn vel.
Eftir að Ashley og félagar höfðu lokið við drykkju á barnum reiddi þessi fyrrum eigandi Newcastle fram fimm bresk pund til að færa afgreiðslukonu í þjórfé.
Mikið hefur verið grínast með þetta í breskum fjölmiðlum. Þeir sem hafa fylgst með Ashley lengi tala um að þetta sé eins týpísk leið og hún verður fyrir hann til að fagna sölu á knattspyrnufélagi.