West Ham vonast til þess að geta fengið Jesse Lingard á láni frá Manchester United á næstu dögum, topplið deildarinnar hefur gefið Lingard leyfi til að fara annað.
Hægt verður að fá Lingard lánaðan fram á sumar en West Ham, West Brom og fleiri lið hafa áhuga á Lingard.
Til að West Ham geti fengið Lingard á láni þarf félagið fyrst að leysa eitt vandamál, félagið er með tvo leikmenn á láni frá enskum liðum og geta ekki bætt þeim þriðja við.
Craig Dawson og Said Benrahma eru á láni en West Ham skoðar að kaupa Benrahma frá Brentford á 20 milljónir punda.
Félög í ensku úrvalsdeildinni geta aðeins haft tvo leikmenn á láni frá öðru ensku félagi. David Moyes vill ólmur fá Lingard en þeir unnu saman hjá Manchester United.p
Lingard átti fast sæti í byrjunarliði enska landsliðsins fyrir tveimur árum en síðan hefur hallað undan fæti.