Arnór Guðjohnsen einn besti knattspyrnumaður í sögu Íslands er í skemmtilegu og áhugaverðu viðtali við Jóhann Skúla í Draumaliðinu. Arnór gerir þar upp magnaðan feril sinn og velur sína bestu samherja sína.

Arnór átti farsælan tuttugu ára feril í atvinnumennsku og snéri heim árið 1998 og gekk í raðir Vals. Hann hafði talað við KR en þurfti að bíða eftir því að Björgólfur Guðmundsson, þá aðalmaðurinn í starfi KR kæmi til landsins. Arnór hafði ekki þann tíma á höndum.

„Ég var í viðræðum við KR en það dróst svo á langinn, ég var á leiðinni heim. Bjöggi gamli sem var þá aðalkarlinn í KR, var ekki á landinu, hann var á leiðinni heim og ég var beðinn um að bíða. Ég gat það ekki,“ sagði Arnór en sonur hans, Eiður Smári Guðjohnsen lék þá með KR.

Arnór var að snúa heim þá 37 ára gamall og vildi taka ákvörðun um hvert skildi fara. Hann hafði reynslu af Val og tók skrefið þangað.

„Ég gat ekki beðið mikið lengur, ég þekkti Val miklu betur en KR. Þegar ég var úti þá æfði ég alltaf með Val á sumrin, ég þekkti ágætlega til þarna. Ég var ekki að hugsa um titla, ég var kominn á þann stað að ég var bara að njóta þess að spila fótbolta.“

Valur var í bullandi fallbaráttu á þeim tíma sem Arnór snéri heim en liðinu tókst með herkjum að halda sérí deildinni. „Þeir voru með aðeins þrjú stig þegar ég kom heim, ég vildi bara halda áfram að spila fótbolta. Ég ætlaði ekki að hætta alveg strax.“

Þetta áhugaverða viðtal við Arnór má heyra í heild hér að neðan.