Burnley komu öllum á óvart þegar að liðið sótti 3 stig gegn Liverpool á Anfield í gær en Ashley Barnes gerði eina mark leiksins úr víti á 83. mínútu.

Liverpool sem hefur ekki skorað í fjórum leikjum í röð og er að falla aftur úr í toppbaráttu Ensku úrvalsdeildarinnar virðist eiga erfitt til uppdráttar á öllum svæðum vallarins en liðið hefur verið að glíma mikið við meiðsli.

Trent Alexander-Arnold sem er af mörgum talinn besti bakvörður heims síðustu ár lenti hins vegar illa í Dwight McNeil kantmanni Burnley í gær en hann plataði hann upp úr skónum sem endaði svo með fyrirgjöf.

Hægt er að sjá tilþrif McNeil hér fyrir neðan en varað er við að áhorfendur gætu dottið úr skónum.

😳 @dwight_mcneil99 pic.twitter.com/hjomezvANB

— Burnley FC (@BurnleyOfficial) January 22, 2021