Fjölmiðlar á Spáni segja að Real Madrid sé byrjað að undirbúa sig undir það að reka Zinedine Zidane úr starfi, það verði hins vegar ekki gert fyrr en næsta sumar.

Niðurlægjandi tap gegn Alcoyano í spænska bikarnum í gær hefur ýtt undir þær sögur, Alcoyano er í þriðju efstu deild.

„Eitt mest niðurlægjandi tap í sögu Real Madrid,“ segir í fyrirsögn hjá AS á Spáni.

„Þeirra hugmynd er að taka stóra ákvörðun eftir tímabilið, Zidane hefur oft komið til baka. Liðið er virðist hins vegar komið á endastöð,“ sagði Guillem Balague sérfræðingur um spænska boltann.

Zidane er að stýra Real Madrid í annað sinn á ferlinum en í fyrra skiptið vann hann Meistaradeildina þrjú ár í röð.

Real Madrid er nú fjórum stigum á eftir toppliði Atletico Madrid sem á tvo leiki til góða.