Sheffield tók á móti lærisveinum José Mourinho á Bramall Lane í dag en leikurinn kláraðist rétt í þessu.

Það tók Tottenham ekki nema 5 mínútur að komast yfir en það var Serge Aurier sem gerði fyrsta mark Tottenham úr horni, það var svo Harry Kane sem bætti við öðru marki Tottenham á 40 mínútu og staðan 2-0 í hálfleik.

David McGoldrick minnkaði svo muninn fyrir Sheffield á 59. mínútu en vonir Sheffield manna voru ekki líflangar þar sem Tanguy Ndombele bætti við þriðja marki Tottenham á 62. mínútu og lokatölur 3-1 fyrir Tottenham.

Með sigrinum er Tottenham í fjórða sæti deildarinnar jafnir Liverpool á stigum og markatölu en Liverpool á þó leik til góða en þeir mæta Manchester United á Anfield kl. 16.30 í dag.