Gary Neville fyrrum leikmaður og fyrirliði Manchester United hefur valið draumalið úr leikmönnum Liverpool og Manchester United en liðin mætast klukkan 16.30 í dag.
Neville sem spilaði með Manchester United frá árunum 1992 til 2011 hefur ekki valið marga frá uppeldisliðinu en liðið er gífurlega sterkt.
Leikurinn er sá stærsti á árinu hingað til en Manchester United situr á toppi deildarinnar og Liverpool í því þriðja þremur stigum á eftir Manchester United.
Framlínan skartar miklum hraða og tækni á boltanum en hana mynda þeir Sadio Mané, Marcus Rashford og Mohamed Salah.
Á miðjunni sameinast Bruno Fernandes, Paul Pogba og Fabinho.
Varnarlínan væri líklegast sú sterkasta í deildinni ef liðið myndi spila saman en hana mynda þeir Harry Maguire, Andrew Robertson, Van Dijk, Alexander Arnold og á milli stanganna er Alisson markvörður Liverpool.
