„Þetta er fölsk staða,“ segir Jason McAteer fyrrum leikmaður Liverpool um þá staðreynd að Manchester United sitji á toppi ensku úrvalsdeildarinnar. United heimsækir Liverpool í stórleik á sunnudag.
Lærisveinar Ole Gunnar Solskjær hafa verið á miklu skriði síðustu vikur og komið sér á topp deildarinnar, McAteer er á því að það muni fljótlega fjara undan því.
„Burnley gaf þeim alvöru leik en United komst í gegnum það með þrautseigju, það er góður liðsandi í herbúðum þeirra.“
„Solskjær hefur ekki þurft að eiga við nein meiðsli eins og önnur lið, hann hefur alltaf haft marga leikmenn að velja úr.“
„Undir lok tímabils þá verða þetta Liverpool og Manchester City að berjast. United mun gefa vel eftir.“
